Politics
سندھ اسمبلی نے لوکل گورنمنٹ ترمیمی ایکٹ 2026 منظور کر لیا، بلدیاتی نظام میں بڑی تبدیلیاں
سندھ اسمبلی نے SLGA ترمیمی بل 2026 منظور کر لیا۔ نئے قانون کے تحت 120 دن پہلے انتخابات ہوں گے اور ڈپٹی میئر و وائس چیئرمین کو مزید اختیارات دیے گئے ہیں۔
By Site Administrator·September 14, 2026·1 min read·23 views
علامتی تصویر
سندھ اسمبلی کے منظور کردہ ترمیمی بل کے مطابق کراچی کی کارپوریشنز کے انتظامی ڈھانچے میں میونسپل کمشنر کا عہدہ بھی قانون کا حصہ بنا دیا گیا ہے۔ قانون میں کہا گیا ہے کہ ڈپٹی میئر یا وائس چیئرمین کی عدم موجودگی میں اجلاس چلانے کی ذمہ داری کسی دوسرے رکن کو نہیں دی جا سکے گی۔
نئے قانون میں لوکل کونسلز کی کارکردگی کا ہر مالی سال کم از کم ایک مرتبہ معائنہ لازمی قرار دیا گیا ہے۔ اسی طرح منتخب نمائندوں اور افسران کی تربیت کے لیے سالانہ بجٹ میں فنڈز مختص کرنا اور کیپیسٹی بلڈنگ پروگرام شروع کرنا بھی لازمی ہوگا۔
بل میں خواتین کو بااختیار بنانے کے لیے اقدامات اور سہ ماہی رپورٹس جمع کرانے کی شق بھی شامل ہے۔ رپورٹس میں خواتین کو درپیش سماجی و معاشی رکاوٹوں اور ان کے حل کے اقدامات کا ذکر ہوگا۔ معذور افراد کی فلاح، تعلیم، صحت اور روزگار کے لیے قابل رسائی انفرا اسٹرکچر یقینی بنانے کی ہدایت بھی کی گئی ہے۔
امن و امان کے حوالے سے پولیس اور لوکل کونسلز کے درمیان رابطہ کاری کا نظام وضع کیا جائے گا، تاہم پولیس کا ضلعی انتظام اور تفتیش پولیس کے دائرہ اختیار میں ہی رہے گی۔
ترمیم کے تحت یونین کمیٹی یا کونسل کو سالڈ ویسٹ کے مسائل کی نشاندہی اور غیر قانونی تعمیرات کی اطلاع سندھ بلڈنگ کنٹرول اتھارٹی کو دینا لازمی قرار دیا گیا ہے۔
نئے قانون میں لوکل کونسلز کی کارکردگی کا ہر مالی سال کم از کم ایک مرتبہ معائنہ لازمی قرار دیا گیا ہے۔ اسی طرح منتخب نمائندوں اور افسران کی تربیت کے لیے سالانہ بجٹ میں فنڈز مختص کرنا اور کیپیسٹی بلڈنگ پروگرام شروع کرنا بھی لازمی ہوگا۔
بل میں خواتین کو بااختیار بنانے کے لیے اقدامات اور سہ ماہی رپورٹس جمع کرانے کی شق بھی شامل ہے۔ رپورٹس میں خواتین کو درپیش سماجی و معاشی رکاوٹوں اور ان کے حل کے اقدامات کا ذکر ہوگا۔ معذور افراد کی فلاح، تعلیم، صحت اور روزگار کے لیے قابل رسائی انفرا اسٹرکچر یقینی بنانے کی ہدایت بھی کی گئی ہے۔
امن و امان کے حوالے سے پولیس اور لوکل کونسلز کے درمیان رابطہ کاری کا نظام وضع کیا جائے گا، تاہم پولیس کا ضلعی انتظام اور تفتیش پولیس کے دائرہ اختیار میں ہی رہے گی۔
ترمیم کے تحت یونین کمیٹی یا کونسل کو سالڈ ویسٹ کے مسائل کی نشاندہی اور غیر قانونی تعمیرات کی اطلاع سندھ بلڈنگ کنٹرول اتھارٹی کو دینا لازمی قرار دیا گیا ہے۔
حکومت سندھ کا کہنا ہے کہ ترمیمی قانون کا مقصد شہریوں کو بہتر بلدیاتی خدمات کی فراہمی اور اداروں کے درمیان رابطہ کاری کو بہتر بنانا ہے۔
ویب ڈیسک۔
#سندھ اسمبلی#لوکل گورنمنٹ#بلدیاتی انتخابات#کراچی#سندھ#SLGA
