امریکہ کا ایران پر بڑا ایکشن: 27 فضائی کمپنیوں اور 36 اداروں پر پابندیاں عائد

امریکہ نے ایران کی 27 فضائی کمپنیوں پر پابندیاں عائد کرنے کا اعلان کر دیا ہے۔

امریکی وزیر خزانہ اسکاٹ بیسنٹ نے پابندیوں کا اعلان کرتے ہوئے کہا کہ ایران کی فضائی سپلائی چین اور نیٹ ورک کی مدد کرنے والے 36 اداروں کو بھی پابندیوں کی فہرست میں شامل کیا گیا ہے۔

بیان میں کہا گیا کہ ایران ایوی ایشن سیکٹر کو ہتھیاروں اور غیر قانونی سامان کی منتقلی کے لیے استعمال کر رہا تھا۔ اسی وجہ سے ان ایئرلائنز کو نشانہ بنایا گیا ہے جو ایران کو اسلحہ پہنچانے میں ملوث تھیں۔

اسکاٹ بیسنٹ کے مطابق ایران کی فضائی شعبے سے وابستہ نیٹ ورک کی رپورٹ طلب کی گئی تھی۔ اس کے بعد جب ایران کی فضائی حدود سے پروازوں کی اجازت دی گئی تو 3 کمپنیوں کے لائسنس معطل کر دیے گئے۔